Бокстан Маңғыстау облысының командасы Шымкент қаласында Қазақстан чемпионатына дайындалып жатыр. Бұл туралы Маңғыстау бокс клубының аға жаттықтырушысы, ҚР еңбек сіңірген жаттықтырушысы Әділ Басығараев mangystaumedia.kz сайтына берген сұхбатында мәлімдеді.
«Ел біріншілігі 23 қараша күні өтеді. Жігіттер ауа–райына бейімделу үшін жарысқа екі–үш күн ертерек барып дайындалады. Сонымен қатар чемпионатқа облыстан 15 үздік боксшы қатысады. Олардың қатарында әлем чемпионы Бекзат Нұрдәулетов, Азия чемпионатының жүлдегері Ерік Әлжанов пен Санатәлі Төлтаев, Қазақстанның экс-чемпиондары Айболды Дәуренұлы, Саматәлі Төлтаев және Нұрбол Қалжанов та бар», - дейді Әділ Бахытұлы.
Ерлер арасында 200-ден астам былғары қолғап шебері Шымкент шаршы алаңында сынға түседі.
ҚР чемпионатына Маңғыстау облысы командасынан қатысатын боксшылар төмендегідей:
49 келі: Жарас Қомшабаев
52 келі: Самат Жетібаев
57 келі: Нұрбол Қалжанов
60 келі: Саматәлі Төлтаев, Нұрбек Орысбай
63 келі: Нұрым Ділшат, Махмұд Аль-Мұхаммед
69 келі: Санатәлі Төлтаев, Сұлтан Шаршов
75 келі: Ерік Әлжанов, Ақжол Әбдіхан
81 келі: Бекзат Нұрдәулетов
91 келі: Нұрлан Сабиров, Азамат Набатов
+91 келіден жоғары: Айболды Дәуренұлы
Айта кетейік, Шымкентте өтетін ҚР чемпионаты 23 қараша күні басталып, 29 қарашада аяқталады.
Айбек МҰХАНОВ
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
