Биыл Маңғыстауда 100-ден астам іздеуде жүрген қылмыскер ұсталды

Биыл Маңғыстауда жедел уәкілдер 100-ден астам іздеуде жүрген қылмыскерді ұстады, – деп хабарлайды mangystaumedia.kz Polisia.kz сайтына сілтеме жасап.

– Маңғыстау облысында жыл басынан бастап 55 қылмыскерге іздеу жарияланды. Осы мерзім аралығында криминалдық полиция қызметкерлерімен 124 іздеуде жүрген қылмыскерді ұстады.Оның 17-сі ТМД елдерімен іздеуге түскен қылмысқа күдікті болса, бесеуі ҚР өзге облыстарының полициясымен іздеу жарияланғандар.

Биыл адам өлтіру дерегі бойынша бір іздеу, 13 іздеу – бұзақылық, 1 іздеу – зорлау дерегі, 5 – есірткімен айналысатын күдіктілерді құрықтау, 7 іздеу – алаяқтық, 5 іздеу – ұрлық және ауыр дене жарақатын жасап жауапкершіліктен жалтарып жүрген бір күдіктіге іздеу жарияланды.

Мәселен, біздің қызметкерлермен қараша айында Грузия мемлекетіндегі қалалардың бірінен 2019 жылдың сәуірінен 2020 жылдың ақпанына дейін қаржы пирамидасын құрып, оны басқарған күдікті ұсталды. Азаматтарға келтірілген материалдық шығын мөлшері – 3,6 млрд теңге. Одан бөлек, жедел-іздестіру іс-шараларын жүргізу барысында Интерпол бюросының ұлттық орталығының мүмкіндіктерін пайдалана отыра, Дубайдан аса ірі мөлшерде алаяқтық қылмысын жасады деген күдікпен азаматша ұсталды. Мамыр айында террористiк топ құру, оған басшылық ету және оның әрекетіне қатысу дерегі бойынша іздестіру жарияланған күдікті Болгариядан ұсталды, – деді Маңғыстау облысы ПД криминалдық полиция басқармасының орынбасары Асан Жариев.

Сонымен қатар, қылмыскерлерден бөлек іс-түссіз жоғалғандар да полиция қызметіне зәру. Жыл басынан бері 16 жоғалған тұлғаға іздеу жарияланды. Бұл іске полицейлерге еріктілер көмекке келіп, бірлескен жұмыстар атқарылады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.