ҚР Сыбайлас жемқорлыққа қарсы іс-қимыл агенттігі білім саласында сыбайлас жемқорлық схемасын әшкереледі, деп хабарлайды mangystaumedia.kz сайты orda.kz сайтына сілтеме жасап.
Жедел-іздестіру іс-шараларының қорытындысы бойынша Ақтау қалалық білім бөлімінің басшысы ұсталды.
Ол аз қамтылған отбасы балаларын азық-түлікпен қамтамасыз ету бойынша қызмет көрсетушінің жұмысты аяқтағаны туралы актілерге қол қойып, ақшалай қаражат аударғаны және жалпы қамқорлығы үшін пара алды деген күдікке ілінді.
Соттың рұқсатымен күдікті қамауда отыр.
Сотқа дейінгі тергеу жалғасуда.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
