Маңғыстауда 25 қазақстандық АИТВ жұқтырды

Биылғы 4 айда Маңғыстау облыстық жұқтырылған иммун тапшылығы синдромының алдын алу және оған қарсы күрес жөніндегі орталығында шетелдік азаматтарды қоспағанда, Қазақстан Республикасының азаматтары арасында АИТВ инфекциясымен 25 адам тіркелді. Алғаш рет анықталған АИТВ инфекциясының 88 %-ы гетеросексуалдық байланыста, 8%-ы гомосексуалдық байланыста, 4,0 %- анадан балаға берілу жолымен жұққаны белгілі болды. Орталықтың алдын алу бөлімінің меңгерушісі Алмагүл Кемазанованың айтуынша, АИТВ инфекциясы адамдардың өмір сүру ұзақтығы мен сапасына әсер ететін әлеуметтік маңызы бар аурулар тобына кіреді.

-АИТВ инфекциясының таралуы халықтың өмір сүру ұзақтығына, мемлекеттер мен өңірлер халқының экономикалық көрсеткіштері мен өмір сүру деңгейіне елеулі теріс әсер етеді,-деді ол.-АИТВ инфекциясының таралуына қарсы іс-қимыл жөніндегі профилактикалық іс-шаралар қауіпсіз жыныстық мінез-құлықты қалыптастыруға, инъекциялық есірткіні қолданумен байланысты қауіпті мінез-құлықты өзгертуге, вирусқа қарсы терапияға саналы көзқарасты және анадан балаға берілудің алдын алуға бағытталған жалпы тәсілдерді көздейді. Өткен 4 айда жалпы халық арасында АИТВ инфекциясының алдын алу бойынша 156 іс-шара өткізіліп, 7235 адам қамтылды. Профилактикалық іс-шаралардың негізі-АИТВ инфекциясы мәселелері бойынша халықты кеңінен, уақтылы және қолжетімді ақпараттандыру және оқыту. Бұл бағытта ЖИТС орталығы мамандары халық арасында, әсіресе халықтың негізгі топтары арасында, жастар, яғни жоғары сынып оқушылары арасында, жоғары оқу орындары мен арнайы оқу орындарының студенттері арасында АИТВ инфекциясының алдын алу бойынша жұмыс жүргізде. Семинар сабақтары, дәрістер, әңгімелер, бейнероликтер көрсету, ақпараттық-білім беру материалдарын (плакаттар, буклеттер) тарату секілді шаралар өткізіледі. АИТВ инфекциясының алдын алу бойынша дәріс барысында эпидемияның таралу тарихы, аурудың пайда болу гипотезалары, вирустың таралу жолдары, АИТВ инфекциясымен ЖИТС-ның айырмашылығы, алдын алу шаралары, салауатты өмір салты туралы білімді қалыптастыру мәселелері қамтылады. Ақпараттандыру және оқыту бағдарламалары кезінде АИТВ инфекциясының алдын алу шараларының барлық аспектілері қарастырылады.Бұлар:

Жеке алдын алу шаралары:

-кездейсоқ жыныстық қатынастарды, есірткіні қолдану мен енгізуді болдырмау; татуировка жасатпау, ортақ ұстара, маникюр және басқа да жеке гигиена заттарын пайдаланбау;

- жеке қорғаныс құралдарын пайдалану.

Салауатты өмір салты АИТВ инфекциясының алдын алудың негізі ретінде және жеке гигиенаны сақтау, дене шынықтыру және қатаю, дұрыс тамақтану, алкоголь, темекі, есірткіден бас тарту, әртүрлі тәжірибелермен күресу қабілетін қамтиды. Салауатты әдеттер денсаулықты сақтауға және нығайтуға ықпал етуі мүмкін. Ойланбаған мінез-құлық күтпеген салдарға әкеліп соқтырады. Сіздің өміріңіз бен денсаулығыңыз өз қолыңызда. Әр адам өз денсаулығына жауапкершілікпен қарап, салауатты өмір салтын қалыптастыру үшін дұрыс таңдау жасай алады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.