Еске алу күні—мереке емес

Бүкіл әлемде мамырдың әр үшінші жексенбісінде ЖИТС-тен қайтыс болғандарды еске алу күні өтті. Бұл күні жердің түкпір-түкпіріндегі адамдар осы мәселе ерекше әсер еткендерді қолдау үшін жиналады.

Бұл күннің мақсаты-әлем халқының назарын АИТВ/ЖИТС таралуының алдын алу проблемасына аудару және АИТВ-мен өмір сүретін адамдарды стигма мен адам құқықтарының бұзылуынан қорғау. Халықаралық ЖИТС-тен қайтыс болған адамдарды еске алу күнінде біз АИТВ инфекциясымен өмір сүретіндердің барлығына қолдау көрсетеміз және бізбен бірге болмағандарды және өмір сүріп жатқандардың денсаулығына қамқорлық жасаудың маңыздылығын еске аламыз.

-Еске алу күні қарсаңында біз барлығына ЖИТС-тан қайтыс болған адамдарды құрметтеуді ұсынамыз,-дейді орталықтың алдын алу бөлімінің меңгерушісі Алмагүл Кемазанова.-Бұл күні адамдар киімге қызыл лента ілмегін бекітеді – миллиондаған адамдардың қайғысы мен жадының символы, ЖИТС-тің шекарасы, ұлты, жынысы мен жасы жоқ екенін түсінудің белгісі. 2023 жылдың 4 айында Маңғыстау облысының ЖИТС-тың алдын алу және оған қарсы күрес жөніндегі облыстық орталығы шетелдік азаматтарды қоспағанда, Қазақстан Республикасының азаматтары арасында АИТВ инфекциясының 25 жаңа жағдайын анықтады. Бұлардың жұқтыру жолы мынадай болды: гетеросексуалдық байланыстарда–88%, гомосексуалдық байланыстарда–8%, тікесінен берілу жолы (анадан балаға)–4,0 %. Диспансерлік есепте 372 адам тұрады, ал 2002 жылдан бері 16 адам ЖИТС-тен қайтыс болды. Мамандарымыз ЖИТС ООО және ЖИТС ОО бірлескен жоспарына сәйкес АИТВ-инфекциясы бойынша профилактикалық іс-шаралар, жалпы халық арасында акциялар өткізеді. Ірі сауда орталықтарында, халыққа қызмет көрсету орталықтарында, медициналық мекемелерде, арнаулы оқу орындарында, жалпы білім беретін мектептерде, халықтың негізгі топтары арасында ақпараттық-білім беру материалдарын тарата отырып, АИТВ - инфекциясының алдын алу бойынша дәрістер өткізіледі. «Өз мәртебеңді біл», «Тестілеуден өт» ұранымен АИТВ инфекциясына жедел тестілеу жүргізіледі. «Амфитеатр» жанындағы 15 шағын аудандв теңіз жағасында облыстық денсаулық сақтау басқармасы басшысының орынбасары, емдеу-алдын алу ұйымдарының медицина қызметкерлері, медициналық колледж студенттерінің қатысуымен кең ауқымды акция өткізілді. Осы науқан аясында біз АИТВ инфекциясының алдын алу және қорғану шараларын, салауатты өмір салтын насихаттағымыз келеді. Біздің мекен-жайымыз—Ақтау қаласы, 3 ш / а, 170 ғимарат, Маңғыстау облыстық ЖИТС-тың алдын алу және оған қарсы күрес орталығы. Сенім телефоны: 50-40-49.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.