Қазақстанда коронавируспен ауырғандар саны 3,1 есеге азайды

Қазақстанда коронавируспен ауырған адамдар саны 3,1 есеге азайды. Бұл туралы Үкімет отырысында ҚР Денсаулық сақтау министрі Алексей Цой айтты, деп хабарлайды mangystaumedia.kz сайты ҚазАқпаратқа сілтеме жасап.

«Республикада оң ПТР тестімен коронавирус инфекциясының 980 372 жағдайы және теріс ПТР тестімен 83 437 жағдайы тіркелді. Науқастардың 96 пайыздан астамы сауығып шықты», - деді Алексей Цой.

Оның атап өтуінше, репродуктивті сан – 0,89 және тамыз айымен салыстырғанда 1,2 есе төмендегені байқалады.

«Жалпы Қазақстанда соңғы айда ауырған адамдардың саны 3,1 есеге азайды. Стационарлық және амбулаториялық ем алып жатқандардың саны 1,7 есеге қысқарды. Инфекциялық төсектердің қамтылуы 23, реанимациялық төсектер 20 пайызды құрайды», - деді министр.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.