Маңғыстау облысында 172 453 адам жер кезегінде тұр

Бұл туралы облыстық жер қатынастары басқармасының басшысы Есемұрат Дүзмағамбетов өнірлік коммуникациялар қызметінде өткен баспасөз жиынында мәлімдеді, - деп хабарлайды mangystaumedia.kz сайты. Ақтау мен Жаңаөзен қалаларында жеке тұрғын үй құрылысы үшін алаңдар қарастырылмаған. Басқа аудандардың бас жоспарына сәйкес 26820 учаске қарастырылған. Басқарма басшысының айтуынша, учаскелердің 2055-і қазіргі кезде инфрақұрылыммен қамтамасыз етілген. «Нақтылап айтқанда, 779 учаске газ, су, тоқ, 1 003 учаске газ бен тоқ, 45 учаске тоқ пен су, 228 учаске тоқпен қамтылған. Ал 24 765 учаске инфрақұрылыммен әлі қамтылмады», - дейді Есемұрат Дүзмағамбетов.

Жұлдыз ҚАЛИЕВА

Суретті түсірген Талант ҚҰСАЙЫН