Жыл соңына дейін Ақтауда 5 ойын алаңы пайдалануға беріледі

Ақтауда балаларға арналған үш ойын алаңы пайдалануға берілді, - деп хабарлайды mangystaumedia.kz сайты Ақтау қалалық әкімдігінің баспасөз қызметіне сілтеме жасап. Ойын алаңы 13 шағынаудан 24 үй, 27 шағынаудан 80 үй және 85 үй жанында орналасқан. Әр алаңның жалпы аумағы – 270 шаршы метр. [gallery td_select_gallery_slide="slide" ids="88216,88214"] Баспасөз қызметінің хабарлауынша, кешен заманауи құралдармен жабдықталған. Жарақатқа қауіпсіз төсеніш төселген. Екі жылға арналған кепілдік мерзімі бар. Айта кетейік, Ақтауда жыл соңына дейін тағы 5 ойын алаңы салынады.

Жұлдызай ҚАЛИЕВА

Суреттер Ақтау қаласы әкімдігінің инстаграмдағы парақшасынан алынды