Ақтау қаласында шілденің соңына дейін 20 лифт жаңаланады
[ 2019 ] 9 шілде, 10:17 | Қоғам
Ақтау қаласындағы көпқабатты үйлердің жеделсатысы ауыстырылып жатыр. Бұған бюджеттен 153 млн 440 мың теңге бөлінген. Аталған жұмыстар шілде айының соңына дейін жалғасады, - деп хабарлайды mangystaumedia.kz сайты.
Ақтауда 2002 жылға дейін 174 көпқабатты үй салынған, онда 337 жеделсаты бар. Оның 169-ы екі, қалған 11 үй бір жеделсатымен жабдықталған екен.
Қазіргі таңда 163 көпқабатты үйдің жеделсатысын ауыстырумен «ЛифТЭК» ЖШС мекемесі айналысып жатыр.
«Жеделсатыны ауыстыру жұмыстары 4 шілде күні басталған. Бүгінде 11 шағынаудандағы 1, 2, 32, 33 үй, 5 шағынаудан 22 үй, 7 шағынаудан 15, 21 үй, 8 шағынаудандағы 14 үй және 12 шағынаудан 34 үйге жаңа жеделсаты орнатылды», - дейді Ақтау қаласы әкімдігінің баспасөз қызметі.
Мамандардың айтуынша, барлығы 20 жеделсаты шілденің соңына дейін жаңаланады.
Жұлдызай ҚАЛИЕВА
886
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
