3 күнде кәсібін бастататын жоба Түпқарағанда таныстырылды

Маңғыстау облысында кәсіпкерлікпен айналысатын азаматтар саны 1 айдан кейін бұдан да көбейеді деп айтуға толық негіз бар. Себебі республика бойынша алғаш рет біздің облыста ғана қолға алынған, облыс әкімі Ералы Тоғжановтың бастамасымен жүзеге асып жатқан «Бизнес 3 күнде» жобасы арқылы құрылған комиссия өңір бойынша кәсіпке икемі бар көп балалы, әлеуметтік жағдайы қолдауды қажет ететін отбасыларды анықтау жұмысын жүргізгенін осыған дейін хабарлаған болатынбыз. 3 сәуір күні Түпқараған ауданына келген топ 10-ға жуық жанұяның жай-күйімен танысу үшін үйлеріне арнайылап барып, ішінен кәсібін қолдауға болатынын іріктеуде. Жоба аясында Түпқараған ауданына әлеуметтік аз қамтылған 30 отбасы бекітілсе, оның 10-ына кәсіпкер, «Айком LTD» ЖШС-нің құрылтайшысы Бимырзаев Иса Ыбырайымұлы көмектесетін болады. Түпқарағандықтар үшін облыста жүзеге асып жатқан "Бизнес 3 күнде" жобасы та­ныстырылды. Белгілі меценаттар мен кәсіп­керлерді жұмылдырған аймақ басшысы Ералы Тоғжанов бастамасымен жүзеге асып жатқан жоба - ­"Балық берме, қармақ бер" ұстанымындағы бастама. Бұрын-­соңды бол­ маған жаңа жоба осыған дейін қайырымды­лық акциясы ретінде жүзеге асып келсе, енді мазмұнын өзгертіп, несиесіз, кепілсіз, қай­тарымсыз демеу көрсетуді, бизнесті жүр­гізудің қыр­сырын меңгерту арқылы желілік маркетинг тәсілін үйрете отыра, өз тауар бел­гісін жасауға, көмектесуге және өнімін сатуға мотивация беруді көздейді. Әлеуметтік аз қамтылған, табыс көзі аз, асыраушысы жоқ, жағдайы төмен отбасыларының күнкөрісін жөндеп, аяқтан тұруына демеу болатын, ойында жүріп, қолынан келетін кәсібін ашуға көмек беретін бұл жоба өзге өңірлерде жоқ 1 пайызбен несие беретін «Нұр капитал» бірегей жобасына барар алғашқы баспалдақ іспетті. Өз ойындағы кәсібін, қолынан келетін қабілеті арқылы ашқан кәсіпкерге талпыныс пен жігер сыйлайтын жобаның жауапкерші­лігі де бар. Іріктеу де қатаң бақылаумен жүзеге асуда. Комиссия мен жоба ұйымдас­тырушылары бастаған топ Түпқараған ау­данына қарасты Ақшұқыр ауылының, Сайын Шапағатов ауылдық округінің жоба қаты­сушылары үшін ауданнан құрылған штаб жұмысын пысықтап, қатысушылардың жағ­дайымен арнайы барып танысты. Ұйымдас­тырушылар мен штаб мүшелерінің, аудан, ауыл әкімдерінің арнайы барып қараған бірінші тізімдегі 7 отбасынан 3 отбасы ғана жоба қатысушысы атанатындығы алғашқы штаб отырысында анықталды. Алдымен ірік­теуден өткен отбасы өз кәсібіне ат қояды, өз ісін жоба аясында алып берілген құралдармен өнімін өндіріп, кәсібін бастайды, оны халыққа жеткізеді. Жоба осыған дейін облыс орталығы Ақтау қаласында және Жаңаөзен қалала­рында жүзеге асуда. Жоба жұмысының жүрісі үшін құрылған облыстық комиссия мен ауданнан құрылған штаб бірлесе ауданымыздағы Ақшұқыр, Сайын Шапағатов ауылдарындағы әлеумет­тік жағдайы төмен отбасыларын аралап шық­қан алғашқы күнде-­ақ қай азаматтың қолы­нан не келетіндігі байқалған болатын. Жоба­ның бірінші күнінде Сайын Шапағатов ауылының тұрғыны Доғдырхан есімді көп балалы ананың ісмерлігі комиссия құрамын таңғал­дырды. Үлкен қызы мүгедек, екінші қызының да көзін жарыққа аша алмайтын ақауы бар. Алайда, артық пендеге тыным бермеген тіршілік бұл келіншекке қиындыққа қасқайып тұрар күш беріпті. Өздігінен түрлі курстар оқып, білімін жетілдіріп жүрген ана бала­пандарын қомдап, қамдау үшін тыным көр­мей тігін тігеді. Құрқылтайдың ұясындай ая­дай үйде ескі оверлокпен де атақты дизай­нерлерден қалыспайтын бешпент, көйлектерге тапсырыс қабылдап келген. Енді «3 күнде бизнес» жобасы аясында кәсібі қар­қынды жүретін болды. Себебі, жобаның екін­ші күні-­ақ жоба аясында ауданымызға бел­гіленген кәсіпкер Иса Бимырзаев бұл келін­шекке өндірістік тігін мәшинесі мен овер­логын, үтігі мен киім пішуге, дайын көйлегін кигізуге арналған ілгішін арнайы алып берді. Бұндай жобаға ойламаған жерден қатысушы болған Доғдырхан бұрынғы шағын іс мәши­несімен үлгермей жүрген тапсырыстарын аяқтап, табысының еселенетіне қуанышты. Жоба аясында кәсібін бастаушыларға бренд қалыптастыру үшін киімдеріне этикетка да жасалынып берілді. Өз анасының атын өз қолынан шыққан киімдеріне бренд еткен Доғдырхан Ерманова өз кәсібіне «Сәуле» деген атау берді. - 3 күн бұрын алған айлығымды (М.Сеңгір­бекұлы атындағы өнер мектебінде еңбек пәнінің мұғалімі) үйге әкеліп, «шашу» деп шашқан едік. Ырымдап жасағаным ғой, енді армандап жүрген іс мәшинем қолыма тиді. Өзім қанша тырмыссам да бұл мәшинелерді ала алмас едім. Қыздарым да қуанып жатыр. Жобаны ұйымдастырушы облыс әкімі Ералы Тоғжановқа, кәсіпкер Иса Ыбырайымұлына алғысым шексіз. Екінші қызыма ем қонып, үлкен қызымның емін жалғастырсам деймін. Тапсырыс көп болса да үлгермейтін едім. Енді қуанышымда шек жоқ. Көзіме жас та алып алдым қуаныштан,  ­дейді толқып тұрған төрт баланың анасы Доғдырхан. Жоба негізінде біздің ауданның тұрғын­дары Доғдырхан Ермановадан бөлек, Таңсұлу Шоқанбаеваға да тігін ісіне қажетті өндірістік тігін мәшинкесінен бастап оверлок, манекен, түрлі жіптермен қатар басқа да қажеттіліктері алынып берілді. Ал ақшұқыр­лық Балданай Абдоллақызына тәтті пісіретін кондитерлік іс бастауға қажетті үлкен пеш, миксер, блэндер, түрлі қалыптармен қатар пісіруге қажеттілік алу үшін ақшалай сый жасады. Бұл сыйлықтар табысталғаннан ке­йін кәсіп ашам деген азаматтар мен басшылық тарапынан арада келісім-­шарт жа­салды. 1 ай көлемінде кәсібін қалыпқа кел­тіріп, өнім шығаруға тиісті болған бұл тұр­ғындарға болашақта үлкен кәсіпкер болып кетулеріне аудан басшылары сәттілік тіледі. Осы аралықта жасаған өнімдерін қоятын дүкен немесе сатылым орындарын табуға аудан, ауыл әкімдері қолдау көрсететін­діктерін жеткізді. Жобаның үшінші күні аудан әкімі Айдос Хамиев, аудандық штаб мүшелері және жоба кәсіпкері Бимырзаев Иса Ыбырайым­ұлы бастаған топ 3 кәсіп бастаушының өнім­дерімен танысуға әрі сатылымға шығаруға арнайы барды. Ақшұқыр ауылындағы «Ару­жан» дүкеніне қойылған «Балданай» дәмі тәттілерінің сатылымға шығарылуының тұ­саукесеріне қатысты. 3 күнде бизнес бас­тауға болатын жобаның мақсатын жүзеге асырып, кәсіпкерге айналуға әбден мүмкіндік барын дәлелдеген Балданайдың тәттілерін сол сәтте аудан әкімінен бастап ауылдаста­ры да сатып алды. Бағасы 400 теңгеден бастап 1200 теңгеге дейінгі сатылымдағы тәттілерден бүгін 12 мың теңге үстінде пайда көруде. Бастысы, тәттілер еш химиялық қос­пасыз және дәмі ерекше. Түрік тәттісі пах­лаваның да екі түрін сатуда. Ол 14 күнге дейін өзінің жұмсақ күйін ұстайды екен. - Бұл күтпеген қолдау болды. Жоба ұйым­дастырушыларына алғысымды білдіремін. Өзім 5­6 жыл бұрын пісіріп, тапсырыс қабылдап бастағам. Жақсы нәтиже көріп, пайда тауып келе жатыр едім. 2013 жылы босанған балам мүгедек болып туылғанан кейін мүм­кіндігім болмады. Енді күнкөріс үшін жасауға мәжбүрмін. Күні кеше де 3 тапсырыс алдым. Осындай мүмкіндік беріп, жоба аясында зат­тарымызды алып беріп жатқан кәсіпкерге де алғысымыз шексіз, - ­дейді Балданай. Осымен үш күннің ішінде кәсіпкер болуға қадам жасатқан жобаның алғашқы қарлы­ғаштары қанатын қомдады. Енді қалған қа­тысушыларды аудан бойынша іріктеу ау­даннан құрылған жауапты мамандарға жүк­телді.

Клара ҚАНСҰЛТАНОВА, Милана ЕЛЕУСІНОВА