Мұнайлы жайлы фильмнің тұсаукесері өтті

Мұнайлы мектебінде «Ағайын Синема» кино дайындау орталығының толықметражды комедия жанрындағы «Мерейлі мекен – Мұнайлым» атты көркем фильмінің тұсаукесер рәсімі және алғашқы көрсетілімі өтті.

Фильмнің тұсаукесер рәсіміне Мұнайлы аудандық әкімдігі, Атамекен селолық округінің аппараты, Мұнайлы аудандық ішкі сая­сат бөлімі мен аудандық білім бөлімі және мектеп директорларымен қатар фильмнің шығармашылық тобы қонаққа шақырылды.

Тұсаукесер рәсімінде Мұнайлы ауданы­ның әкімі Н.Тәжібаев пен шығармашылық топ атынан басты актер және сцена­рист З.Әбенов құттықтау сөзін білдірді. Ауданға арналған киноны көруге келген қонақтар жаңа туынды туралы жағымды пікірлер айтты.

Мұнайлы ауданының әкімі Нұрлан Тәжібаев авторлар мен әртістерге және жаңа көркемфильмнің түсірілуіне үлесін қосқан демеушілерге өз алғысын жеткізді.

Тұсаукесерге жиналған көрермендер фильмнің басты кейіпкерлерін сомдаған белгілі актерлердің қолтаңбаларын алды. Көрермендер фильмнен ерекше әсер алып, көңілдерінен шыққандығын білдірді.

Үміт ЖӘЛЕКЕ

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.