Қарттарға 1 тонна қауын-қарбыз тарту етті

Қарттар үйінде Ақтау қаласының 55 жылдығы аясында Маңғыстау облысы Қазақстан халқы Ассамблеясының хатшылығы, Маңғыстау облысы әкімі аппараты «Қоғамдық келісім» КММ халықаралық қарттар күніне орай «Қарт кісіні қадірле!» атты этномәдени бірлестіктері мен шығармашылық ұжымдарының қатысуымен мерекелік іс-шара өтіп, «АЛА-ТОО» қырғыз этномәдени бірлестігі атынан 1 тонна қауын-қарбыз тарту етіліп, мерекеге орай Қарттар үйінің ауласына 5 түп қара ағаш, 2 шырша отырғызылды.

Шараға Маңғыстау облысы Қазақстан халқы Ассамблеясы, Маңғыстау облысы әкімі аппаратының «Қоғамдық келісім» мемлекеттік мекемесінің қызметкерлері, этномәдени бірлестіктер төрағалары, «Жаңғыру жолы» өңірлік штабы, №10 орта мектебінің оқушылары және БАҚ өкілдері қатысты.

- Құрметті достар! – деп бастады құттықтау сө­зін облыстық «Халық келісімі» қоғамдық бірлестігінің төрағасы Юсуп  Шахшаев,  бұл күн – бірлік пен келісім күні, қарт кісілерге құрмет көрсету күні, біз – жылдың бір күнінде ғана емес, бар­лық уақытта жасы үлкен адамдарға құрмет білдіріп жүретін елдің тұр­ғындарымыз. Қазіргі кезде біздің мемлекетімізде қарттарға үлкен мән беріп, көңіл аударып, жан-­жақты үкімет тарапынан қамқорлық жа­салуда. Әрдайым үлкенге құрмет, кішіге ізет көрсету – біздің парызы­мыз. Қазақтарда үлкен адамдарды өз атымен атамай, құрметті есім бе­ретін дәстүр бар, біз де сондай кере­мет ғұрыптан үлгі алғымыз келеді. Жастар соны түсінсе, үлкендерді құрметтесе екен дейміз.

Сіздерді мейірім мен қамқорлық­тан кенде қалдырмауға тырысамыз. Сіздерді жылы алақанға салып, қамқорлығына алып отырған қарттар үйінің қыз­меткерлеріне рақмет ай­тамыз. Өздеріңізді Ақтау қаласының 55 жылдық ме­рекесімен құттықтап, мық­ты денсаулық тілейміз!

«Булгар» татар этномә­дени бірлестігінің төрағасы Фандаль Сахибгареев:

– Құрметті жасы үлкен аталар мен әжелер, сіздерді келе жатқан қарттар күні­мен және қаламыздың 55 жылдық мерейлі мерекесімен құттықтай­мын! Бүгін сіздерді Маңғыстау об­лысы Қазақстан халқы Ассамблеясы атынан арнайы құттықтауға келіп тұрмыз. Ағамыз айтып кеткендей сіздерге зор денсаулық тілейміз. Біз­дің құттықтауымызды және аздаған сыйымызды қабыл алыңыз! – деп Қырғыз этномәдени бірлестігінің тартуы бақша өнімдері мен суса­бындар, басқа да күнделікті қажетті бұйымдарды сыйға ұсынды.

Шара соңы мерекелік концертке ұласып, Қуанғали Лашын «Адай» күйін, халықаралық байқаулардың лауреаты «Лэ ви» би ансамблі «Кан­-кан» биін, Галина Погорелова «Дас­тархан», «Живи, Актау», «А любовь рядом была» әнін, «Нұр» би ансамб­лі армянның «Арцвапар» биін, Аль­бина Исатаева «Ана» әнін, Жазира Акжанатова «Дорогие мои старики», Армен Саакян «Алға Қазақстан!» әнін орындап көпшілік қошеметіне бөленді.

Үміт ЖӘЛЕКЕ

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.