Маңғыстау кен орнындағы өрт: Бір адам ажал құшып, үшеуі жарақаттанды

©

ҚР ІІМ Төтенше жағдайлар комитетінің ресми өкілі Руслан Иманқұлов Маңғыстаудағы кен орнында өрт болғанын растады, - деп хабарлайды ҚазАқпарат агенттігі Лада сайтына сілтеме жасап.

Ресми өкіл келтірген дерек бойынша, оқыс оқиға Комсомольское кен орнында болған.

«Комсомольское кен орнында 19 мамыр күні сағат 22:22-де 40 шаршы метр аумақта дренаждық ыдыс өртенгені туралы хабар Дағдарыс жағдайларды басқару орталығына 20 мамыр күні 02:58-де түскен. Оқиға ұңғыманы толықтай жөндеу кезінде болған. Салдарынан 1986 жылы туған «М-Техсервис» ЖШС мердігерлік ұйымының жұмысшысы қаза тапты. Тағы үш адам Маңғыстау облыстық ауруханасына жатқызылған», - деп мәлім етті Руслан Иманқұлов.

Сағат 00:23-те өрт толықтай сөндірілген.

Айта кетейік, жапа шеккендердің бірінің денесін 60 пайыз күйік шалып, жансақтау бөлімінде жатыр. Ал екеуі травматология бөлімінде ем алуда.

Бұған дейін «М-Техсервис» ЖШС мердігерлік ұйымының жұмысшыларын күйік шалып, оларды санитарлық авиация ауруханаға жеткізілген.

Көрнекі сурет сайттың архивінен

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.