Өтес мектебіндегі жылыжайда 74 түрлі өсімдік өседі

©

Қысы­-жазы жайқалып тұратын бақ не­месе тропикалық джунгли. Мектебіміз­де орналасқан жылыжайды дәл осылай атауға болады. Қазіргі кезде Маңғыстау ауданындағы Өтес ауы­лының температурасы далада -­20С көр­сетіп тұрса, мектебіміздің жылыжайында су бұрқағы атқылап, гүлдер құлпыра өсіп тұрғанда бейне бір тропик ормандарында жүргендей се­зінесіз. Көздің жауын алатын өсімдіктер мекені. Мұнда тропикалық өсімдіктер де, жемістер де бар. Әсемдік пен эстетика үй­лесім тапқан жылыжайдың таңғажайып өсімдіктер әлемін өз көзімен көруге ықы­ласы ауғандар қатары күн санап артып келеді. Жылыжайда өсімдіктің 74-­ке жуық түрі бар. Әрқайсысына ерекше күтім мен қамқорлық қажет. Махаббатқа бөленген гүлдер мен жемістер өнімді мол береді. Бүгінгі таңда жылыжайда түрлі өсімдіктер өсіп, таңғажайып баққа айналды. Енді сол түрлі өсімдіктерді көру үшін ауыл тұрғындары Өтес орта мектебіне ағылуда.

«Өсімдіктер өте бейімделгіш келеді. Бас­тысы оларға лайық жағдай жасалу керек. Жарық пен жылу беріп қана қоймай, уақ­тылы суару, қоректендіру қажет. Күтім бол­са, өнімді де көп алуға болады. Ал төгілген гүл мен хош иіс жанға жайлылық береді. Жылыжайды күтуші мектеп қызметкерлері Қосбергенов Асылбек пен Жағалбаев Махамбеттің еңбектері зор. Көпшілікті тәнті еткен тәтті бұрыштар мен қиярларды тама­шалап оқушылар келеді. Жанға ләззат сый­лар хош иіс, жылы леп, таза ауа, көз тартар гүлдер мен бағалы ағаштар жылдың төрт мезгілінде жайқалып тұрады. Бастысы, еселі еңбек жемісін беруде»,­ - дейді мектеп директоры Алтынгүл Назарова.

Гүлсім НӘДІРОВА, Өтес орта мектебі директорының тәрбие ісі жөніндегі орынбасары

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.