Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
3 сәуір күні теңізге балық аулауға резеңке қайықпен кеткен 2 азамат үйіне оралмаған, - деп хабарлайды mangystaumedia.kz сайты.
Түпқараған аудандық Төтенше жағдайлар бөлімінің мәліметінше, 3 сәуірде сағат таңғы 07:40 минут кеткен шамасында Омарова С. есімді тұрғыннан Форт Шевченко қаласынан Қызылөзен ауылы бағытына қарай Үрдек (Асан) теңіз жағасынан шамамен 25-30 шақырым қашықтықта 2 ер адам теңізге балық аулауға кетіп оралмағандығы жөнінде ақпарат түскен.
- Түпқараған ауданының азаматтары 1985 жылы туған Руслан Садықов, 1982 жылы туған Ғалымжан Серіков іздестіріліп жатыр. Өзімен бірге балық аулау торы болған. Азаматтарды іздестіру үшін 3 сәуір күні 09:15-де жедел құтқау жасағынан (3 қызметкер, 1 техника УАЗ, 1 резиналық қайық Сириус), Маңғыстау облысы Төтенше жағдайлар департаментінің Түпқараған ауданының Төтенше жағдайлар бөлімінен (2 қызметкер, 1 техника, 1 квадрокоптер және 1 «IRIDIUM» спутниктік телефон), Маңғыстау облысы бойынша ҚР ҰҚК ШҚ департаментінің Жағалау күзеті 2 дивизионнан (1 «Семсер» кемесі және 21 әскери қызметкер) іздестіру жұмыстарына жұмылдырылды. Сондай-ақ сағат 16:07 минутта «Қазавиақұтқару» АҚ МИ-8 тікұшағы да көмекке келіп, іздестіру-құтқару және авариялық-құтқару жұмыстарын жүргізу үшін оқиға орнын (R-100км) жоғарыда көрсетілген мекенжай бойынша ұшып өтті (бортта 3 қызметкер және 2 туысы бар), — дейді Түпқараған аудандық Төтенше жағдайлар бөлімінің бастығы, Азаматтық қорғау майоры Жолдыбек Бисенбеков.
Іздестіру жұмыстары әлі де жалғасып жатыр.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.