Ақшұқыр ауылына 300 диодты жарық орнатылады

Ақшұқыр ауылында жарығы жоқ көшелерге диодты шам орнатылып жатыр, деп хабарлайды mangystaumedia.kz сайты аудан әкімдігінің баспасөз қызметіне сілтеме жасап.

Жарық шамдар II, IV, V квартал, Айдаров, Сәрсенов, Жаңақоныс, Үштерек, Кезбаев, Есқожаев, Бекжанов, Түйешиев көшелеріне қойылып жатыр. Ауыл әкімі Еркебұлан Жәнібектің айтуынша, осы уақытқа дейін жарықтандыру бойынша ауыл тұрғындарынан бірнеше өтініш келіп түскен.

- Ескірген көше жарығының шамдарын жаңа жарық диодты шамдарға ауыстырудамыз. Жаңа шамдардың жарығы жақсы, әрі тоққа шығындарды азайтады. Бірінші кезекте әлеуметтік нысандар орналасқан көшелер жарықтандырылуда, - дейді ауыл әкімі.

Айта кетейік, ауыл көшелеріне барлығы 300 дана жаңа шам орнатылады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.