Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Мұнайлы ауданында соңғы үш жылда 15 мың шаршы метр тұрғын үй пайдалануға берілді. Оның басым бөлігін көпбалалы және мүгедек бала асырап отырған отбасылар алды, - деп хабарлайды mangystaumedia.kz сайты Маңғыстау облысының Қоғамдық коммуникация орталығына сілтеме жасап.
- Былтыр Маңғыстау ауылындағы 80 көпбалалы ана баспаналы болды. Аудан орталығынан салынған көпқабатты үйдің игілігін қазір осы отбасылар көріп жатыр. Одан бөлек Батыр ауылында 2 бөлмелі үйлер көпбалалы және мүгедек бала асырап отырған отбасыларға табысталды. Алдағы уақытта да тұрғын үй салуды жалғастырамыз. Өйткені басқа аудандармен салыстырғанда Мұнайлыда халық саны көп. Соған сәйкес тұрғын үй кезегінде тұрғандар да жетерлік, - деді Мұнайлы аудандық құрылыс, сәулет және қала құрылысы бөлімінің басшысы Махмұт Қалжанов.
Сондай-ақ Маңғыстау ауылында көппәтерлі 30 үйдің инженерлік желілерін тарту жұмыстары аяқталды. Алдағы уақытта тұрғын үйдің жобалық сметалық құжаттамасы жасалып, мемлекеттік сараптамаға ұсынылады. Аталған құрылыс аяқталған жағдайда тағы да 700-ден астам отбасы баспаналы болмақ.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.