Мұнайлы ауданында тұңғыш рет кітапқұмарлардың басын қосатын жоба бастау алды. Оқырмандар клубына бірер ай болса да жастар бірнеше кітапты оқып үлгерген.
- Оқырмандар клубын құрудағы басты мақсат - тек қана кітап оқу емес. Өзіміздің түрлі ойымызды ортаға сала алатын, әртүрлі тақырыпта сөйлесе алатын, сондай-ақ оқыған кітабымыздың желісін талқылай алатын рухани орта құрғымыз келді. «Адамды адам еткен - кітап» деген сөз бар. Бірақ соңғы уақытта кітап оқитын жандардың қатары сиреп барады. Сондықтан бір-бірімізге үлгі болсақ деген ниетіміз болды. Бірақ бұл тек қана жастарға арналмаған. Кез келген жастағы адамдар қатыса алады, - деді клубтың негізін салушы Тойгүл Нұржанқызы.
Қазір оқырмандар клубында 3 топ құрылған. Алғашқысы ауданның оқырмандары. Екіншісі осы ауданның мектеп жасындағы оқырмандары. Одан бөлек Ақтау қаласындағы жастардың сұранысымен өңір орталығынан да топ құрылған.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
