Сайөтестік отбасылар белсенді

Сайөтес ауылында орналасқан № 171 сайлау учаскесіне келген Әбдиевтер және Шалқаровтар отбасы сайлау учаскесінің ішін мерекелік көңіл күйге толтырды. Ауылдағы үлгілі отбасылардың бірі саналатын Әбдиевтер және Шалқаровтар отбасы өз таңдауларын жасауға әркез үлкен жауапкершілік қарайтындарын айтты.

—Балаларымызға бүгін мереке деп айттық. Расында сайлау — мереке. Біз қоғамда болып жатқан саяси науқанға қатысып, өз таңдауымызды жасадық. Өзіміздің іс-әрекетіміз қандай болса, балалардың да тәрбиесі сондай болады. Бүгін біз сайлаудан қалмасақ, ертең балалырымыз ол күннің маңыздылығын сезініп өседі, — дейді отағасы Дүйсенғали Әбдиев.

«Бүгін еліміз үшін үлкен мереке. Осы сайлауға отбасымызбен бірге келіп дауыс бердік. Болашағымыз үшін, еліміздің ертеңіне алаңдайтын азаматтарды таңдап, сайлау әрбіріміздің міндетіміз деп ойлаймын», - дейді Серік Шалқар.

Ал, бұл отбасының балалары ата-аналарының жауапкершілігіне, маңызды күнде қалыс қалмай, өздерімен бірге келгендеріне қуанды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.