Биылғы жылы дана ойшыл Абай Құнанбайұлының 175 жыл мерейтойы республика деңгейінде атап өту шаралары басталып кетті. Қазақ халқы үшін Ұлы тұлға атанған Абайдың 175 жыл мерейтойын лайықты аталып өтуі үшін құрылған комиссия тобы өз дайындықтарын бастап кетті. Әл-Фараби атындағы ҚазҰУ-де ақын мерейтойы қалай аталып өтті?
Қазақтың бас ақыны, ағартушы, композитор, философ, саяси қайраткер, қазақ әдеби тілінің негізін салған Абай 1845 жылы Тобықты руында дүниеге келгенін еске сала кетсек артық болмас. Қазақ әдебиетінің тарихында өшпес із қалдырған Абайдың 175 жыл меретойының қарсаңында #Abai175челленджі басталған еді. Осындай бастаманы оқушылар мен студенттер, өнерде жүрген азаматтар, тіпті саясаткерлерге дейін іліп әкетіп ақынның өлеңдерін, әндерін сонымен қатар қара сөздерін мәнерлеп оқып ғаламтор жүйесіне жарыса жариялауда.
Жалпы, Абайдың мерейтойын атап өтуде алға қойған бірнеше маңызды шаралар бар. Мәдениет және спорт министрі Ақтоты Райымқұлованың хабарлауы бойынша мерейтойға орай республикалық деңгейде 500-ден аса шаралар ұйымдастырылады. Негізгілерін айта кететін болсақ:
ҚР Президенті Қ. Тоқаев Ұлы ақын мерейтойына “Абай және 21 ғасырдағы Қазақстан” мақаласын жариялаған болатын. Мемлекет басшысы “Абай арманы - халық арманы” деді. Мемлекет басшысы ақынның еңбегін насихаттауды маңызды екенін атап өтеді. “Хакім Абай еңбектерінің нәрін өскелең ұрпақтың санасына сіңіру және өмірлік рухани азығына айналдыру – ұлтты жаңғыртуға жол ашатын маңызды қадамның бірі” дейді Қ. Тоқаев.
Мемлекет басшысы Абайды әлемдік деңгейге көтеруді маңызды деп санайды. Абайды ондай дәрежеге көтерудің бірден-бір себебі оның шығармаларының өзге тілдерге аударылу сапасының үздік болуында дейді. Ол ойын “Әлемдік мәдениетте Абайды қаншалықты дәрежеде таныта алсақ, ұлтымыздың да мерейін соншалықты асқақтата түсеміз” деп түйіндейді.
Ақын мерейтойы Әл-Фараби атындағы ҚазҰУ-нің студенттері арасында да өз жалғасын кеңінен тауып жатыр. Мысалы, Әл-Фараби атындағы ҚазҰУ-нің тарих пәнінің профессоры Қозыбақова Фатима апайдың тобы «Қазақ ұлтына сәуле беріп, алғаш атқан жұлдыз - Абай» атты ғылыми-конференция өткізген болатын. Ғылыми-конференцияда студенттер Абай Құнанбайұлының жан-жақтылығын ашып анық көрсетті. Студенттер ақын өміріне, шығармашылығына карта жасап “Рухани саясат” өткізген болатын. Оған қоса студенттер ғылыми-конференцияны тек қана теориялық түрде өткізбей, Абай өмірінен бірнеше үзіндіні қойылым ретінде көрсетіп, ақын өлеңдерін оқып, әндерін айтумен аяқтады. Осыдан біз қазіргі жастардың Абайды жүрекпен оқып, әркез жадында ұстайтынын байқаймыз.
Абай бір жылдың, бір тойдың шеңберіне сиятын адам емес. Абай тағылымы, Абай өнегесі, Абай өсиеті – ұлтымызға әлі де санғасырлық білім нұрын шашатын шырақтан, халқымызды тура жолдан тайдырмайтын, алыс жолда адастырмайтын темірқазық. Абай мұрасы – біздің мәңгілік сусындайтын қайнар бұлағымыз. Абай – адамзаттың ұлы ұстазы, ақыл-ойы.
Гаухар Плещакова, Әл-Фараби атындағы ҚазҰУ студенті
Жетекшісі: Фатима Қозыбақова
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
