Ақтауда жасөспірімдер арасында рейд жүргізілді

Ақтау қаласында 20 сәуірден 21 сәуірге қараған түні кәмелетке толмаған балалар арасында рейд жүргізілді. «Түнгі қаладағы балалар» деп аталатын жедел профилактикалық іс-шарасы бойынша Ақтау қалалық ІІБ-на 45 жасөспірім әкелінген, 25 жасөспірім әкімшілік құқық бұзушылық жасағандары үшін, 7 жасөспірім қадағалаусыз жүргені үшін Кәмелетке толмағандарды бейімдеу орталығына орналастырылды, деп хабарлайды облыстық ІІД баспасөз қызметі.

"ҚР ӘҚБтК баптарына сәйкес, 25 тұлға әкімшілік жауапкершілікке тартылды.   ҚР ІІМ №1098-бұйрығымен Ақтау қаласы ІІБ Ювеналды полиция бөлімшесіне профилактикалық есепке барлығы 5 тұлға алынды. Оның ішінде қадағалаусыз және панасыз жүрген 3 жасөспірім есепке алынып профилактикалық жұмыстар жүргізілуде", - делінеді хабарламада.

Сондай-ақ, ата-ана міндетін орындамай, алкогольдік ішімдіктерді ішіп, жасөспірім балаларының тәрбиесімен айналыспайтын 2 қолайсыз отбасы анықталып, Ақтау ҚІІБ ЖПҚ ЮПБ бақылау есебіне алынды. Рейд кәмелетке толмағандардың арасында құқық бұзушылықтың алдын алу, сондай-ақ балалар мен жасөспірімдердің ойын-сауық орындар мен тұрғын үйден тыс жерлерде түнгі уақытта заңды  өкілдерінің  ілесіп  жүруінсіз  болуын  болдырмау мақсатында жүргізіліп отыр.

 «Whats App» желісінде тарап кеткен ақпарат көзіне сүйенсек, дәл осы рейд 27-28 сәуір күндері де жүргізіледі екен. Жалпы білім беретін орта мектеп басшыларына жіберілген ресми хатта  ата-аналарға балаларды қатаң қадағалау керектігін ескертеді.

Айгүл ДӘДЕН Сурет ғаламтордан алынды

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.