“Маңғыстау-Медиа” өз оқырмандарына Rixos Aktau қонақ үйіне 4 жолдама сыйлады

“Маңғыстау-медиа” серіктестігіне қарасты облыстық, қалалық, аудандық газетке жазылған маңғыстаулық ұстаздар арасында жарияланған бәйгенің жеңімпаздары анықталды, деп хабарлайды mangystaumedia.kz.

Облыстық “Маңғыстау”, “Огни Мангистау” газеттеріне бір жылға жазылған мұғалімдер арасында 2 жолдама, қалалық, аудандық газеттерге жазылған білім саласының мамандарының арасында 2 жолдама ойнатылды.

Қатысушылардың деректері барабанға салынып, таңдалды.

Жүлде Мұнайлы ауданы 9-орта мектептің мұғалімі Гүлжан Асамадиноваға, мамандандырылған IT мектеп-лицейінің мұғалімі Аян Кужагелдееваға, Жаңаөзен қаласының 5 және 9 мектептерінің мұғалімдері Жұлдызай Турегалиева мен Ақбөпе Тлеуоваға бұйырды.

Айта кетейік, бұдан бөлек мұғалімдер жазылған газеттеріне мақалаларын ақысыз жариялауға мүмкіндік алды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.