Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Былтыр Маңғыстау облысында 724 адам зорлық-зомбылыққа ұшыраған, оның ішінде 689-ы әйел, 35-і жасөспірім, деп хабарлайды mangystaumedia.kz.
Бұл туралы Маңғыстау облысы әкімінің аппарат басшысы Амангелді Қалмұратовтың және Маңғыстау облысы ПД бастығының бірінші орынбасары полиция полковнигі Болатбек Ақшауовтың төрағалығымен өткен «Отбасы тұрмыстық зорлық-зомбылық мәселесі» жөніндегі жиында айтылды.
Маңғыстау облысының полиция департаменті, жергілікті полиция қызметі басқарма бастығының орынбасары Бақытжан Берікбаев зорлық-зомбылыққа ұшыраған адамдарға заңды тұрғыда және психологиялық көмек көрсетілгенін мәлімдеді.
Полицейлер отбасындағы зорлық-зомбылықтың басым бөлігі спирттік ішімдіктердің әсерінен болғанын айтады. Ал мұндай құқық бұзушылықтардың алдын алу мақсатында 268 адамға ерекше талап қойылып, алкогольдік ішімдік, есірткі немесе психотроптық заттарды қолдануға тыйым салынған.
- Отбасылық жанжалдың негізгі себептері – тұрақты табыс көзінің жоқтығы, материалдық жағдайдың төмендігі, жұмыссыздық, маскүнемдік, құмар ойындары, - деді Жергілікті полиция қызметі басқарма бастығының орынбасары Бақытжан Берікбаев баяндамасында.
Махаббат Нұржанқызы
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.