Жас кәсіпкерлерге қайтарымды қаржылай көмек беріледі

1 мамырдан бастап "ASSYLTAS BUSINESS HELP" жобасы аясында жас кәсіпкерлерге қаржылай көмек беріледі. Ертең 21-35 жас аралығындағы жас кәсіпкерлерден өтінім қабылдау басталады, - деп хабарлайды mangystaumedia.kz сайты.

Жас кәсіпкерлер 5 000 000 теңгеге дейін қаржылай көмек ала алады. Жоба жетекшісі Рауан Тұрлығазының айтуынша, кәсібін дамытуға ниет еткен жастар бірнеше бағыт бойынша бақ сынай алады.

«Бұл жоба көп жасқа үлкен мүмкіндік. Биыл екінші жыл қатарынан жас кәсіпкерлерді қолдауға ниет еттік. Бес бағыт бойынша үміткерлерге басымдық беріледі. Салауатты өмір салтын қалыптастыру, өндіріс, қазақ тілін дамыту жобалары, мобильді қосымшалар мен ұлттық өнер бойынша кәсібін домалатып жүргендерде артықшылық болады»,- деді Р.Тұрлығазы.

Өтінімдер 1 мамыр мен 1 маусым аралығында қабылданады. Жеңімпаз 10 маусым күні анықталады. Айта кетейік, былтыр осы жоба аясында 14 адам бизнесін дамытуға қаржылай көмек алған болатын.

Жоба туралы толық ақпарат: https://assyltas.kz/business-help/

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.