Жаңаөзенде жаңа автобустар қолданысқа берілді

Жаңаөзенде бүгін қала ішіне қатынайтын қоғамдық көлік қатары 12 жаңа автобуспен толықты. Оның тоғызы - «Yutong» маркалы үлкен класты автобустар, қалғаны «Паз» маркалы автобустар, деп хабарлайды mangystaumedia.kz қала әкімдігінің баспасөз қызметіне сілтеме жасап.

Жаңа автобустарды тасымалдаушы компания — «AKTAU BUS» және «Логистика» ЖШС сатып алған.

№1 маршрут «Мамыр ш/а - Бөкен базары»,
№2 маршрут «Теңге ауылы - Бөкен базары»,
№6 маршрут «Сақ базары- Бөкен базары»,
№10 маршрут «Рауан ш/а - Бөкен базары» бағыттарында жолаушыларды тасымалдайды.

Қазіргі таңда қоғамдық көліктерді көбейту бойынша бірқатар жұмыстар атқарылуда. Биыл тамыз айының соңына дейін №5 маршрут «Жұлдыз ш/а 27 көше - Бөкен базары» бағыты бойынша жолаушыларды тұрақты тасымалдауды ұйымдастыру жоспарланды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.