Демеушілік және қайырымдылық бағдарламасы аясында түпқарағандық 125 оқушы қысқы каникулды Rixos қонақ үйінде өткізді. Олар түрлі бағдарламаларға қатысып, уақытын тиімді өткізді, - деп хабарлайды mangystaumedia.kz сайты.
Ата-ана балаларының бос уақытын тиімді пайдаланып, көңілді демалыс сыйлағандары үшін ұйымдастырушыларға алғысын жеткізді.
- Осындай Rixos-та балаларымызға жақсы демалыс сыйлап, көңіл бөлген барлық ұйымдастырушыға рахметімізді айтамыз. Балаларымыз мәз болып, демалыста өткен қызықты жайттарын айтып қуанып жүр, - дейді ата-ана.
Оқушылар да әсерімен бөлісті.
- Маған бұл лагерь өте қатты ұнады. Шаралардың бәрі қызықты болды. Бизнес үйірмесі өткізіліп, алдағы уақытқа өзіміз жоспар құруды үйрендік. Мұндай лагерьге бірінші рет келіп тұрмын, барлығы керемет болды. Демеушілік көрсеткен компанияға рақмет, - дейді Ақшұқыр мектеп-лицейінің 7 сынып оқушысы Шадкам Бенямин.