Сайын Шапағатов ауылында балалар ойын алаңы қолданысқа берілді

Сайын Шапағатов ауылдық округінің 6-кварталында балалар алаңы ел игілігіне берілді. Алаңда балалардың кез келген ойын түрін ойнауына мүмкіндік жасалған, - деп хабарлайды mangystaumedia.kz сайты аудан әкімдігінің баспасөз қызметіне сілтеме жасап.

Алаңда түрлі сырғанақтар мен әткеншек бар. Балалардың қауіпсіздігі үшін алаң толықтай қоршауға алынған.

- Біз үшін тағы бір қуанышты күн. Балаларымыз ойнайтын алаң пайдалануға беріліп жатыр. Алдағы жұмыстарға сәттілік тілей отырып, осындай алаңдарымыз көбейе берсін дейміз, - дейді ауыл тұрғындары.

Айта кетейік, Сайын Шапағатов елді мекенінде бұдан өзге де бірнеше балаларға арналған алаң бар.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.