Экология және табиғи ресурстар вице-министрі Мансұр Ошурбаев Маңғыстау облысының тұрғындарымен кездесті

Бүгін Маңғыстау облысының Шетпе кентінде экология және табиғи ресурстар вице-министрі Мансұр Ошурбаев халықпен кездесіп, жергілікті тұрғындарды толғандыратын сұрақтарға жауап берді, деп хабарлайды mangystaumedia.kz.

Осы ауылдың маңызды экологиялық проблемаларының бірі - жақын жерде орналасқан қиыршық тас өндіретін карьерлерден шаң шығуы. Маңғыстау ауданында барлығы 29 карьер бар, олардың тек 8-і ғана жұмыс істейді.

Жүргізілген бақылау-инспекциялық жұмыстар барысында экологиялық нормативтерді сақтамайтын 4 карьердің қызметі тоқтатылды, ал 9 жер қойнауын пайдаланушыға рұқсат етілген шығарындылардан асып кеткені үшін әкімшілік айыппұл салынды. 5 кәсіпорын жер қойнауын пайдалануға лицензиясын қайтарып алды.

Атмосфералық ауаның жай-күйін жақсарту үшін экологиялық проблемаларды шешуге бағытталған, оның ішінде Шетпе кентіндегі 36 іс-шараны қамтитын Жол картасы әзірленіп, бекітілді.

Сондай-ақ, М.Ошурбаев азаматтарды жеке қабылдап, БАҚ өкілдерінің сұрақтарына жауап берді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.