Рахат ауылындағы апатты жағдайдағы бағана тұрғындар алаңдаушылығын тудырып отыр

Жаңаөзен іргесідегі ауыл тұрғыны құлағалы тұрған электр бағанасына қатысты шағым білдірді, деп хабарлайды mangystaumedia.kz.

Маңғыстау облысы әкімдігінің телеграм-арнасында өңір тұрғыны елдімекен ішінде тұрған электр бағанасына қатысты шағымын жеткізді. Жеке үйлерге таман орналасқан бетон бағана жарылып, апатты жағдайда тұрғанына қарамастан әлі де пайдаланылып отырғаны байқалады.

- Мына бағананың сапасы сыр беріп отыр. Басынан аяғына дейін толық жарылып, құлауы мүмкін. Егер құласа тоқ адамдарға кері әсерін тигізетіні анық, - деп жазды Маңғыстау облысы әкімдігінің телеграм-арнасында жазба қалдырған өңір тұрғыны.

Оның сөзінше, аталған апатты бағана Жаңаөзен қаласының іргесіндегі Рахат ауылында орналасқан. Ауыл тұрғындарының жазған шағымына әзірге тиісті тарап қандай шара қолданатынын айтқан жоқ.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.