Нұрдәулет Қилыбай Қарақия және Мұнайлы аудандарындағы шаруа қожалықтарын аралады

Бүгін, 31 шілде күні Маңғыстау облысының әкімі Нұрдәулет Қилыбай Қарақия және Мұнайлы аудандарындағы егін шаруашылығымен айналысатын диқандармен кездесіп, шаруаның мән-жайымен танысты, деп хабарлайды mangystaumedia.kz облыс әкімінің баспасөз қызметіне сілтеме жасап.

Өңір басшысы шаруа қожалықтарына облыстағы көкөніс базары мен көтерме сауда өкілдерін де ерте барды.

Облыста көтерме саудамен айналысатын кәсіпкер Аман Жұмабаев Қызылқұм жерінде орналасқан «Жаңбыршы» және «Рысбек» шаруақожалықтарының өнімінің сапасы мен дәміне тәнті болып, оларды сатып алып, нарыққа шығаруға диқандармен келіссөз жүргізді.

Аталған шаруа қожалықтарында жеміс-жидек пен көкөністің барлық түрі өседі. Кәсіпкер Жақсылық Ибадуллаев 6 гектарға жоңышқа өсіріп, мал азығын дайындап, 30 гектар аумаққа егін салып, жылыжай жұмысын жүргізуде.

Шаруалармен кездесу барысында аймақ басшысы Нұрдәулет Игілікұлы кәсіпкерлерді қолдау мақсатында жұмыс көлемін ұлғайту, қосымша жұмысшылармен қамтамасыз ету, жергілікті өнімді көтерме бағада сатуды ұйымдастыру және кептірілген жеміс өндірісін дамыту қажеттігін айтты.

Сонымен қатар, аудан, басқарма басшыларына мемлекеттен қолдау көрсету, субсидия бөлу және сумен қамтамасыз ету мәселелерін шешу қажеттігін тапсырды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.