Мұнайлыда теміржол автотұрағында тұрған көлік өртеніп кеткен

Мұнайлыда теміржол автотұрағында тұрған «Opel Astra» маркалы автокөлігі жанып кеткен, - деп хабарлайды mangystaumedia.kz.

Белгілі болғандай автокөлікте 54 литрлік газ баллоны орнатылған. Зардап шеккендер жоқ.

Айта кетейік, ТЖД Өрт сөндіру және авариялық-құтқару жұмыстары қызметкерлерінің хабарлауынша, өткен аптада облысымызда 4 өрт жағдайы тіркелген. Сондай-ақ 8 апаттық құтқару жұмыстары жүргізілген.

Сонымен қатар, кеше 27 шағынаудандағы 42 үйдің екінші қабатындағы пәтерлердің бірінде 2 жасөспірім қамалып қалған. ТЖД құтқарушылары үш иінді саты орнатып, терезе арқылы кіріс есікті ашқан.

Өрт сөндірушілер қарапайым қауіпсіздік шараларын сақтауды ескертеді:

- сөндірілмеген темекілер мен сіріңкелерді қалдырмаңыз;
- электр сымдары мен аспаптарының жарамдылығын қадағалаңыз;
- электр желілерін шамадан тыс жүктемеңіз;
- тек жарамды электр және газ жабдықтарын пайдаланыңыз;
- балаларды қараусыз қалдырмаңыз.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.