Маңғыстау облысында 3 жазғы сауықтыру лагері жұмыс істеп тұр. Атап айтқанда Жаңаөзен қаласы Кендірлі аумағындағы «Ақбөбек» лагері бірінші ауысымда 250 баланы қамтыса, ал «Фламинго» лагері жаз бойы «Қазақстан қолдау қоры» арқылы барлығы 1200 баланы қамтитын болады. Сонымен қатар облыс бойынша ауылдық мекендерде барлығы 145 мектептің 86-ның жанынан балаларды тамақпен қамтитын жазғы лагерьлер ашылды. Бүгінгі таңда 79 лагерь жұмысын бастаған, - деп хабарлайды mangystaumedia.kz сайты Қоғамдық коммуникация орталығына сілтеме жасап.
Биыл «Балдәурен» лагерінде жаз бойы 7 жастан 14 жасқа дейінгі 300-ден астам бала демалады. Бірініші ауысымда 110 бала келді. Балалар 5 мезгіл тамақпен қамтамасыз етілген. Күнделікті жоспар аясында демалысын бос уақытын теңіз жағалауында өткізеді.
- «Балдәурен» лагерінде балалардың қауіпсіздігін қамтамасыз ету мақсатында полиция департаменті, төтенше жағдайлар департаменті және СЭС қызметкерлерімен бірлесіп, қызмет атқарудамыз. Жаз бойы балаларға қазақтың салт-дәстүрлері туралы мағлұмат береміз . Бұл өскелең ұрпақтың рухани тұрғыдан өсуіне, өмірге деген құлшынысын арттыруға, қоғамдық ортаға оң көзқарасын қалыптастыруға септігін тигізеді, - деді облыстық білім басқармасы басшысының орынбасары Айжақсы Тұржанова.
Сонымен қатар лагерьдің ашылу салтанатында балаларға концерт ұйымдастырылды. Альбина Пирлепесова - 14 жаста. Ол жазғы лагерге алғаш рет келді.
- Маған бұл жер қатты ұнап жатыр. Апай, ағайлар өте керемет, мейірімді. Тамақтары да өте дәмді. Мұнда бәріміз бірден дос болып кеттік. Қимастық сезіммен қошатасарымыз анық. «Балдәурен» лагерінде өткізген уақыт өте әсерлі әрі қызықты сәттерге толы болмақ ,- дейді Альбина Пирлепесова.