© inbusiness.kz
Маңғыстауда 25 мамырдан 26 мамыр таңғы 6-ға дейін түлектердің қауіпсіздігін қамтамасыз ету мақсатында түнгі рейд жүргізіліп жатыр, деп хабарлайды mangystaumedia.kz.
МО білім басқармасы басшысының орынбасары Айжақсы Тұржанованың айтуынша, рейд жүргізуге 865 білім саласының қызметкерлері шыққан.
- Облыста білім алушылар мен түлектердің қауіпсіздігін қамтамасыз етуде қоғамдық орындарда , мейрамхана, кафе, көңілді ойын алаңдарына рейд жүргізуге 865 білім саласының қызметкері шықты. Оның ішінде 7 білім бөлім басшылары, 34 мемлекеттік қызметкерлер, 145 мектеп директорлары, 180 тәрбие жөніндегі орынбасарлар, 495 сынып жетекші, психолог, әлеуметтік мұғалімдер бар, - деді Айжақсы Тұржанова.
Айта кетсек, 25 мамырдан бастап полиция департаментінен барлығы 463 инспектор, 103 автокөлік жұмылдырылған.
- Сағат 22:00-ден кейін көңіл көтеретін орталықтарда кафе-барларда, букмекерлік кеңселерде, ойын алаңдарында жасөспірімдер ұсталған жағдайда сол орындардың басшылығына 132 бап бойынша әкімшілік хаттама жасақталады. Ал жасөспірімге 442 баптың 1-бөлігімен ата-анасына 3 айлық есептік көрсеткіш (11 076 тн) мөлшерінде айыппұл салынады. Сағат 23:00-ден кейін ата-ананың қарауынсыз қоғамдық орындарда ұсталған жағдайда 442 баптың 2 бөлігі бойынша ескерту беріледі, - деді МО Полиция департаменті жергілікті полиция қызметі басқармасы бастығының орынбасары Бақытжан Берікбаев.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
