Қар, бұршақ, үсік: Еліміздің бірқатар өңірінде ауа райына байланысты ескерту жарияланды

«Қазгидромет» еліміздің бірқатар өңірінде ауа райына байланысты ескерту жариялады, деп хабарлайды mangystaumedia.kz kaz.inform.kz сайтына сілтеме жасап.

Кәсіпорынның болжамына қарағанда, 26 мамырда Маңғыстау облысының оңтүстік-батысында, солтүстік-шығысында, орталығында шаңды дауыл тұрады. Оңтүстік-шығыстан жел соғады, облыстың оңтүстік-батысында, солтүстік-шығысында, орталығында желдің жылдамдығы секундына 15-20 метрге жетеді.

Ақтауда 26 мамырда оңтүстік-шығыстан жел соғады, екпіні 15-20 м/с.

Ал, Ақмола облысының оңтүстігінде, шығысында түнде қатты жауын-шашын (жаңбырдың соңы қарға ұласады) болады, күндіз қатты жаңбыр жаууы ықтимал. Күндіз облыстың батысында, солтүстігінде, шығысында найзағай ойнап, бұршақ жауады, дауыл тұруі мүмкін. Солтүстік-шығыстан соғатын жел оңтүстік-батысқа ауысады, облыстың солтүстігінде, оңтүстігінде, шығысында 15-20, екпіні 23 м/с-ке жетеді. Түнде облыстың батысында 2 градус үсік жүреді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.