Маңғыстауда Республика күнін тойлау басталды

Ақтауда Достық үйінде Республика күніне арналған «Тұғыры биік туған жер» атты мерекелік іс-шара өтті. Салтанатты жиында өңір басшысы Нұрлан Ноғаев этномәдени бірлестік өкілдерін, Қазақстан халқы Ассамблеясының ардагерлері мен мүшелерін, сондай-ақ медицина қызметкерлерін марапаттады, деп хабарлайды mangystaumedia.kz сайты Маңғыстау облысы әкімінің баспасөз қызметіне сілтеме жасап.

Іс-шараға қоғамдық бірлестіктер, этномәдени бірлестіктердің өкілдері, ардагерлер кеңесі, облыстық басқармалар, Қазақстан халқы Ассамблеясының ардагерлері мен мүшелері, сондай-ақ Yessenov университетінің оқушылары қатысты.

Айта кетейік, мереке аясында облыста түрлі іс-шаралар ұйымдастырылды. Солардың бірі - «Алтын сақа» ұлттық ойындар жарысы.

- Құрметті Қазақстан халқы Ассамблеясының мүшелері! Мемлекет басшысы өткен 32-сессияда сөйлеген сөзінде келісім мен бірлік табысты мемлекеттің басты кепілі деп атап өтті.
Сондықтан біздің ортақ міндетіміз – рухани және мәдени құндылықтарды сақтау, халықтың бірлігі мен елдегі тұрақтылықты сақтау және нығайту. ҚХА-ның өткен Республикалық сессиясында Қазақстан Президенті Қасым-Жомарт Тоқаев Қазақстан азаматтарының бірлігі үшін негізгі құрамдас бөлігі, бізді бір Отанның балалары ретінде біріктіретін межелерді атап өтті. ҚР егемендігі туралы декларация қабылданған сәттен бастап тарихи стандарттар бойынша салыстырмалы түрде аз уақыт өтті. Бірақ осы уақыт ішінде Қазақстан үлкен жолдан өтті. Мемлекет басшысы жүргізіп отырған саяси, экономикалық және басқа да реформалар жарқын болашаққа үміт артуға негіз береді. Еліміздің бағдарламалық құжаттарында Президент біз қол жеткізуіміз керек мақсаттарды атап өтті. Осы мақсаттарға қол жеткізген кезде әр бір қазақстандықтың өмір сүру жағдайы артады. Адами әлеуетті іске асыру үшін қажетті жағдайлар жасалатын болады. Бұған сіз бен біз күн сайын үлкен үлес қосамыз. Осы орайда Қазақстан халқы Ассамблеясы Маңғыстау облысының Ақтау қаласында қаланғанын қуана атап өтуге болады. Мұнда сақталатын талаптар мен принциптер өңірдегі достастық пен татулықтың негізі іспеттес. Оның бастауында тұрған осы Ассамблеяның ардагерлері бар. Сол кезде жарияланған принциптер де, қазір де жетекші рөл ойнады. Құрметті маңғыстаулықтар, қадірменді қонақтар! Маңғыстау облысының экономикасын дамытуға қосқан зор үлестеріңіз үшін Қазақстан халқы Ассамблеясының мүшелеріне шын жүректен алғысымды білдіргім келеді. Біз сіздер атқарып келе жатқан жұмыстарыңызды мақтан тұтамыз және біздің аймақты одан әрі дамыту үшін қосқан күш-жігеріңізге қолдау көрсетуді жалғастырамыз. Осы айтулы күнмен шын жүректен құттықтаймын! Елімізде бейбіт аспан, келісім мен тұрақтылық болсын, әр отбасында бақыт пен амандық орнасын! Сіздерге зор денсаулық, жақсылық және алдағы уақытта тек сәттілік тілеймін!- деді облыс әкімі Нұрлан Ноғаев.

Іс-шара жергілікті әртістердің қатысуымен өткен концерттік бағдарламамен жалғасты.

#republicday

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.