Маңғыстауда мектептер арасында театрландырылған көрініс байқауы өтті

Маңғыстауда «Мектеп және театр» жобасы аясында облыстық «Наурыз: дәстүр және жаңғыру» театрландырылған көрініс байқауы өтті, деп хабарлайды mangystaymedia.kz Қоғамдық коммуникация орталығына сілтеме жасап.

Мұғалімдердің шығармашылығын дамыту мақсатында ұйымдастырылған байқауға аудан мен қаладан 7 ұжым қатысты. Олардың жұмыстарын қазылар алқасы әділ бағалап, қорытынды шешім шығарды. Нәтижесінде, Бейнеу ауданы, Бейнеу мектеп-интернаты І орынды, Ақтау қаласы, Ф.Оңғарсынова атындағы №29 жалпы білім беретін мектеп ІІ орынды, ал Маңғыстау ауданы, Е. Айшуақұлы атындағы жалпы білім беретін мектеп ІІІ орынды иеленді.

Сондай-ақ, Түпқараған ауданындағы Ақшұқыр мектеп-гимназиясы «Көрермен көзайымы» номинациясымен марапатталып, Маңғыстау ауданы, Е. Айшуақұлы атындағы жалпы білім беретін мектептің оқытушысы Айнұр Түйебаева «Үздік ана бейнесі» марапатына ие болды.

Ал, Ақшұқыр мектеп-гимназиясының мұғалімі Асылбек Айтуарұлы «Үздік ер адам бейнесі», Бейнеу ауданы Бейнеу мектеп-интернатының ұстазы Лаззат Сейсенбаева «Үздік әйел бейнесі» номинациясын жеңіп алды. Сонымен қатар, «Үздік сөз саптау» номинациясында Мұнайлы ауданы №13 мектеп-гимназиясы үздік атанды.

Жүлделі орынға ие болған қатысушылар арнайы дипломдармен марапатталады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.