Маңғыстауда кәсіпкерлерге 25 млн астам қаражат қайтарылды

2022 жылдан бастап қоршаған ортаға теріс әсер еткені үшін төлем бойынша міндеттемелер өзгергені анықталды. Бұл өзгерістер кәсіпкерлер немесе IV санаттағы объектілердің операторлары деп аталатындар экологиялық алымды төлеуден босатылған. Алайда бұл мән-жайларды білмей, аталған кәсіпкерлер жергілікті бюджетке төлемдерді жүргізуді жалғастырған, деп хабарлайды mangystaumedia.kz сайты облыстық прокуратураға сілтеме жасап.

Мысалы, «TETHYS AKTAU II» ЖШС (көпфункционалды қонақ үй және туристік кешен құрылысы) жергілікті бюджетке 22 286 149 теңге көлемінде төлем жасады, дегенмен бұл алым түрін төлеушілер санатына жатпайды.
Белгілі болғандай, тағы 85 салық төлеуші жергілікті бюджетке 50 157 049 теңге сомасына қаражат аударған.

Мамандандырылған табиғат қорғау прокуратурасы енгізген қадағалау актісінің негізінде 9 салық төлеушіге 25,1 млн теңге қайтарылды, ал 76 салық төлеушілер бойынша қаражатты қайтару жұмыстары жүргізілуде.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.