Маңғыстауда ақпан айында оқушыларға арналған қандай іс-шаралар болады?

Маңғыстау облысының білім басқармасы мектеп оқушыларына арналған ақпан айының бірқатар іс-шараларын пысықтады, деп хабарлайды mangystaumedia.kz сайты.

3 ақпан күні «Абай» атындағы мәдениет үйінде жалпы білім беретін пәндер бойынша ұйымдастырылатын республикалық олимпиаданың облыстық іріктеу кезеңі өтеді

7 ақпан күні Түпқараған ауданындағы Маршал Әбдіхалықов мектеп-гимназиясында «Мұқағали Мақатаев» оқуларының облыстық байқауы өтеді.

Ал 9 ақпан күні қазақ тілі мен әдебиетінен Қ. Бітібаева атындағы республикалық олимпиадасының өңірілік іріктеу кезеңі өткізіледі.

13 ақпан күні 1-11 (12) сынып оқушылары "FIRST Robotics" атты робототехника ғылыми жобалар байқауына қатыса алады.

Дәл осы күні «Балдәурен» оқу-сауықтыру орталығында қазақ тілі мен әдебиетінің «Абайтану» аталымы бойынша еліміздің әр облысынан келген мектеп оқушыларының республикалық олимпиадасы өтеді.

16 ақпан күні Ақтау қаласында облыстық "Roboland" робототехника, бағдарламалау және инновациялық технологиялар фестивалі ұйымдастырылады.

20-21 ақпан күндері Мұнайлы ауданды Шоғы Мұңалұлы атындағы № 5 орта мектебінде 5-6 сынып оқушылары арасындағы жалпы білім беретін пәндер бойынша республикалық олимпиадаға жолдама алған оқушылар анықталады.

24 ақпан күні қаламыздағы балаларға арналған музыкалық білім беру ұйымдары мен өнер мектептерінде оқитын жас музыканттар республикалық конкурсқа берілетін жолдаманы ортаға салады.

27 ақпан күні Түпқараған ауданы, Ақшұқыр ауылдық мектеп-гимназиясында ұйымдастырылатын "Бастау" республикалық математикалық турнирімен қорытындыланады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.