Құрметті Маңғыстау облысының тұрғындары!
Өздеріңізге белгілі 1995 жылғы 30 тамызда Қазақстан халқы республикалық референдумда Ата Заңымызды қабылдады.
Ол – біздің еліміздің дамуына жол ашып, жаңа тәуелсіз мемлекет буынының бекуіне себеп болды.
Қазақстан Республикасы халықаралық қоғамдастықта лайықты орын алып, биік белестерге көтерілгені осының айғағы.
Осы уақыттан еліміздің бас төлқұжатына айналған қастерлі заң – Қазақстан халқының құқықтары мен бостандықтарын айқындап келеді.
Осы орайда қоғам мен мемлекеттің даму жолында прокуратура органдары да заңдылық пен құқықтық тәртіпті қамтамасыз ету жүйесінде жетекші орынды алатын жоғары қадағалаушы орган ретінде дамуда.
Қазақстанның құқық жүйесінің тарихында прокуратура органдары еліміздің құқық қорғау жүйесінің ұйытқысы болып танылды.
Қазақстанның қазіргі прокуратурасы – бұл демократиялық, зайырлы, құқықтық және әлеуметтік мемлекет құру бағытын қолға алған, президенттік басқару нысанындағы, тәуелсіз, унитарлы мемлекетті бекіту кезеңіндегі прокуратура.
Өткен жылдың 5 қарашасында Мемлекет басшысы бірқатар заңға жария түрде қол қойды.
Олардың бірі – Қазақстан Республикасының «Прокуратура туралы» Конституциялық заңы.
Заңда прокурорлық қадағалаудың тиімді құралдары мен тетіктері нығайтылды, олар азаматтардың құқықтары мен бостандықтарын, бизнестің, қоғам мен мемлекеттің мүддесін тиімді сақталуына ықпал ететіні сөзсіз.
Азаматтардың конституциялық құқықтары мен бостандықтарын қорғауды қамтамасыз ету, заңдылық пен құқықтық тәртіпті нығайту және құқықтық мемлекетті құру бойынша үлкен жұмыстар атқарылуда.
Биылғы жылы 70 мың азаматтың құқықтары қорғалды, оның ішінде 13 мың адамдарың конституциялық құқықтары.
Қадағалау актісінің нәтижесімен аумағымыз бойынша мемлекеттік органдардың 5 шешімі заңнама талаптарына сәйкестендіріліп, 3 мыңнан астам мүмкіндігі шектеулі азаматтардың конституциялық құқықтарын қорғадық.
Алдағы уақытта да прокуратура органдары ең бірінші азаматтардың конституциялық құқығын қорғау бағытында жұмысын жалғастыратын болады.
Конституция күні мерекесі қарсаңында, әр шаңыраққа құт-береке, ырыс пен ынтымақ тілеймін. Береке – бірлігіміз мәңгілік болғай.
Облыс прокуроры Р.Б.Құттықов