Маңғыстау ауылындағы көшелерге асфальт төселіп жатыр

Биыл Мұнайлы ауданына қарасты Маңғыстау ауылында орташа жөндеу жұмыстары қарқынды жүріп жатыр, деп хабарлайды mangystaumedia.kz аудан әкімдігінің баспасөз қызметіне сілтеме жасап.

Қазір 3 тұрғын алапта жол тегістеліп жатыр. Атап айтсақ, Бозжыра тұрғын масивінің 1.6 шақырымына, Шерқала тұрғын массивінің 3.7 шақырымына, Бесшоқы тұрғын массивінің 3.9 шақырымына асфальт жабындысы төселіп жатыр.

Жөндеу жұмыстары “Ауыл - ел бесігі” бағдарламасы аясында жүзеге асырылуда.

- Маңғыстау ауылы аумағының 9,2 шақырымына асфальт төселіп жатыр. “Абат” ЖШС мердігер мекеме ретінде тағайындалып, бірлесіп қызмет етіп жатырмыз. Бұл жұмыстар қараша айының соңында аяқталады деп жоспарланған,- деді Маңғыстау ауылы әкімінің орынбасары Нұрлан Орынбасаров.

Қазіргі таңда асфальт жабындысы төселетін көшелер тегістеліп, 1,8 шақырым құм аралас қиыршық тас төселуде.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.