ҚР ПІБ Медициналық орталығының өкілдері облыстық онкодиспансерге барды

ҚР ПІБ Медициналық орталығының басшысы бастаған делегация жұмыс сапарымен Маңғыстау облысына келді. Олар алдымен Маңғыстау облыстық онкологиялық диспансерін аралады, деп хабарлайды mangystaumedia.kz.

Медициналық орталығы ауруханаларының басшылары өз мекемелерінің стратегиялық бағыттары туралы баяндады.

Еліміздің үздік ауруханалырының қызметі туралы жан-жақты айтып, облыс әріптестерімен медицина саласындағы өз тәжірибелерімен және білімдерімен бөлісті.

ҚР ПІБ Медициналық орталығының басшысы Алексей Цой аурухананың қызметімен танысты. КТ, МРТ, УДЗ, маммография, эндоскопия кабинеттеріне, сондай-ақ операциялық блоктарға, хирургия және реанимация бөлімшелеріне барып, дәрігерлермен кездесті.

6 қарашадан бері Маңғыстау облысында ҚР ПІБ Медициналық орталығы мен оған қарасты ұйымдардың 28 жетекші маманы халыққа практикалық, консультативтік және ғылыми-әдістемелік көмек көрсетіп, күрделі операциялар жасада. Облыстың дәрігерлеріне және бизнес өкілдеріне шеберлік кластар мен тренингтер өткізілгенін атап айту қажет.

«ҚР ПІБ Медициналық орталығының күндері» аясындағы іс-шара Қазақстанның өңірлеріне жаңа медициналық білім мен технологияларды енгізуге, халыққа медициналық көмек көрсетуге, ішкі медициналық туризмді дамытуға, сондай-ақ ғылыми және клиникалық ынтымақтастықты кеңейтуге бағытталған.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.