Қоқысқа толған тұрғын үй

Ақтаудағы 19 ш/а орналасқан тұрғын үйлердің бірінде қоқыс үйіндісі пайда болған. Бұл туралы тұрғындар әлеуметтік желіде жариялады, деп хабарлайды mangystaumedia.kz сайты.

Желіде жарияланған видеода көшенің қоқысқа толғаны анық көрсетілген.

- Үнемі осы. Әкімдік жұмыс істей ме өзі? «Қаланың ортасы» деген аты бар, - деп видео авторы наразылығын білдірді.

Аталған мәселе бойынша «Ақтау қалалық тұрғын-үй коммуналдық шаруашылығы бөлімі» ММ өкілдері жауап берді. Олардың айтуынша, тұрғын үй әлі қолданысқа берілмеген.

- Жауапты мекемелерге тиісті тапсырма берілді. Жақын арада жинап алып тастайды. Үй әлі қолданысқа өтпегендіктен мердігер мекеме мен пәтер иелері кооперативі аталған тұрғын үйдің қоқысына жауапты, - делінген хабарламада.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.