Бүгін Үкімет отырысында Маңғыстаудағы азық-түлік бағасын реттеу жұмыстары сынға ілікті. Нақтыласақ, Премьер-Министрдің орынбасары – Сауда және интеграция министрі Серік Жұманғарин Маңғыстау облысында әлеуметтік маңызы бар азық-түлік тауарлары бағасын реттеу жөніндегі іс-шараларды талдау барысында бағаны тұрақтандыру тетіктерін іске асыруға көзделген 3,6 млрд теңгенің 2 млрд теңгесі игерілмегендігін мәлімдеді, деп хабарлайды mangystaumedia.kz
Бұл мәселе жөнінде Маңғыстау облысының кәсіпкерлік және сауда басқармасының басшысы Жанна Жұмабайқызы Тоқбаева түсініктеме берді.
-2019-2022 жылдар аралығында тұрақтандыру қорына 4.9 млрд теңге ақша бөлінді. Игерілмей қалған 2 млрд теңгенің 972 млн теңгесіне Меркі қант зауытымен келісімшарт жасақталды, жуық арада оның кассалық орындалысы жүзеге асады. Артылған қаржыны әлеуметтік маңызы бар азық түлік тауарларының бағасын тұрақтандыру мақсатында тұрақтандыру қоры мен айналым қаражатын толықтыруға жұмсайтын боламыз. Сонымен қатар форвордтық (алдын-ала) келісімшарттарды жергілікті өнім өндірушілермен, соның ішінде сүт өнімдерін өндірушілермен және Орал қаласындағы көкөніс өнімдерін өндірушімен, сондай-ақ ірі трейдерлер - ірі көтерме жеткізушілермен жасақтадық. Жалпы өңірде әлеуметтік маңызы бар азық-түлік нарығында 55-60 кәсіпкер қызметін жүзеге асырады. Біз маусымаралық кезеңде, яғни сәуір-қаңтар аралығында, өсетін көкөністер бойынша көкөніс өндірушілер форвордтық келісімшарттар жасақтадық,-деп мәлімдеді Жанна Тоқбаева.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
