Қарақия ауданында еңбек адамдары марапатталды

Жаңа жыл мерекесі қарсаңында Қарақия ауданының әкімі Сымбат Төретаев Құрық, Жетібай, Мұнайшы ауылындағы тазалық мекемесінің жұмысшыларын құттықтап, елеулі еңбегі үшін алғыс білдірді, деп хабарлайды mangystaumedia.kz Қарақия ауданының әкімдігіне сілтеме жасап.

- Сіздерді алдағы жаңа жыл мерекесімен шын жүректен құттықтаймын. Ауылды үнемі таза ұстап, жаздың аптап ыстығында, күннің аязында қас қақпай қызмет етудесіздер. Еңбектің ең қадірлісі – туған жердің топырағына сіңген тер болса, ел үшін ең қадірлі жандар – қарапайым еңбек адамдары деп ойлаймын. Еңбектеріңіз әрқашан да еленіп, елдің алғысына бөлене беріңіздер!,- деді аудан басшысы Сымбат Төретаев.

Сондай-ақ ауданның әлеуметтік-экономикалық дамуына қосқан үлесі үшін бір топ жұмысшыға алғыс жариялап, жаңа жылдық сыйлықтар табыстады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.