Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Маңғыстаулық делегация Иран Ислам Республикасы Джойбар қаласында орналасқан "Шахида Факури" ауруханасына барды, деп хабарлайды mangystaumedia.kz.
Маңғыстау облыстық мәслихат төрағасы Жаңбырбай Матаев пен облыс әкімінің орынбасары Қанат Құлжанов бастаған делегация аурухана жайлы ақпаратпен танысып, нысанды аралады.
IPD лицензиясымен жұмыс істейтін "Шахида Факури" жалпы ауруханасы жоғары мамандандырылған медициналық қызметтерді ұсынады. Аурухана диагностикалық және емдік қажеттіліктерді қамтамасыз ету, заманауи медициналық технологияларды қолдана отырып, туристік емдеу үшін құрылған. Мұнда кардиология, неврология, нейрохирургияны қоса алғанда, ішкі медицинаның, мамандандырылған және жоғары мамандандырылған хирургияның барлық бағыттарындағы медициналық жабдықтар, қалпына келтіру, реконструктивті және пластикалық хирургия және косметология, ортопедия және т. б. медициналық қызметтер бар.
Аурухана заманауи медициналық визуализациямен қатар зертханалық параклиникалық диагностикалық жабдықтармен, офтальмология, дерматология және косметология сияқты медициналық бағыттармен байланысты жабдықтармен қамтылған. Ауруханада 211 медициналық төсек бар, оның ішінде VIP кереуеттер, тартымды безендірілген және қонақ үйге ыңғайлы бір бөлмелі жататын орындар, ашық жүрекке операция жасауға арнайы кереуеттер бар. Ал жаңа туған нәрестелер мен ересектерге арнайы күтім, көз хирургиясы және офтальмологиялық ауруларды емдеу, гинекология және акушерлік, бірнеше реконструктивті операциялар, ішкі ауруларды, жұқпалы ауруларды, жалпы хирургияны, жақ пен бетті, құлақты, мұрын мен тамақты, ми мен нервтерді, өкпені қалпына келтіру хирургиясын емдеу, ас қорыту жүйесін емдеу қамтылған.
Сонымен қатар, алдағы уақытта Иран Ислам Республикасының бас дәрігерлері Маңғыстау өңіріне арнайы келіп, тұрғындарды жеке қабылдайды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.