Қазақстанда дәрілік заттарды таңбалау және қадағалау жүйесі 1 шілдеден бастап енгізіледі. Бұл туралы Маңғыстау облысы Қоғамдық Коммуникация орталығында өткен брифингте Маңғыстау облысы бойынша медициналық және фармацевтикалық бақылау департаментінің басшысы Нұрсұлу Мухамбетярова айтты, - деп хабарлайды mangystaumedia.kz сайты.
Оның айтуынша, цифрлық таңбалау мен қадағалаудың негізгі мақсаты— көлеңкелі нарықты жою. Сондай-ақ дәрі-дәрмектердің қайта айналымы мен контрафактілігінің алдын алу, адал бизнес үшін жағдай жасау және өндірілетін және елімізге әкелінетін өнімнің сапасын арттыру.
- Дәрілік заттарды таңбалау – өндірушіден, дистрибуция құрылымынан, дәріханалардан және медициналық ұйымдардан пациенттің соңғы нүктесіне дейінгі барлық жеткізу тізбегі арқылы дәрі-дәрмектердің қозғалысын бақылаудың маңызды құралы және цифрлық экономикаға маңызды қадам. Ал Маңғыстау облысында 14, соның ішінде нақты 5 көтерме сауда қоймасы, 322 дәріхана қызмет етеді. Сонымен қатар таңбаланған фармацевтикалық тауарлардың айналымына қатысатындар тізімі белгілі болды: өндірушілер, көтерме компаниялар, дистрибьюторлар, бөлшек сауда нүктелері — дәріханалар, медициналық ұйымдар, пациенттер жатады.
Айта кетейік, облыс бойынша «Казахтелеком» АҚ тарапынан көмек орталығы ұйымдастырылды. Мекенжайы:
1) Ақтау 9 ш/а 10 үй офис 77 – ТОО Касс центр тел 87015034233
2) Ақтау 31б уй 32/1 ИП Сервис центр Айко тел 87014048997 кәсіпкерлер тегін көмеке жүгіне алады.
Сонымен бірге жедел желі 88000806565 тәулік бойы қызмет көрсетеді.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
