Ақтаулықтар неге судан шектелді?: Мамандар жауап берді

Қалаға ауыз су беру магистральді құбырдың жөнделуіне байланысты уақытша тоқтатылды, деп хабарлайды mangystaumedia.kz Қоғамдық коммуникация орталығына сілеме жасап.

Сағат таңғы 8:00-ден кешкі 20:00-ге дейін 16-шағынауданнан бастап, 20-шағынауданға дейін, 30- шағынауданнан бастап 35-шағынауданға дейін, сондай-ақ, 27 шағын аудан 39, 40, 41, 44, 45, 53, 54 тұрғын үйлері мен Толқын-1,2, Шығыс - 1,2,3 және Самал-2 шағынауданында су болмайды.

Қазіргі таңда қала бойынша судың қысымын реттеу үшін 7 дана көтергіш сорғы станциялары орнатылған. Ал қазір 4 сорғы станция коммуникацияға қосылған. Бүгін 3 сорғы станцияларын магистральді ауыз су құбырына қосу жұмыстары жүргізіліп жатыр.

- Қала бойынша су қысымына көп шағым түсуіне байланысты 7 сорғы станциялар орнатылды. Бұған дейін 6, 7, 24 және 11-шағынаудандарда 4 сорғы станциясы инженерлік желіге қосылды. Бүгін қалған 3 сорғы станциясын қосқаннан кейін, барлық 7 сорғы станциясы өз жұмысын бастайтын болады, - деді «Каспий жылу, су арнасы» МКК директорының орынбасары Ислям Үсенов.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.