Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Бүгін Қытайдың Шэньчжэнь қаласында химиядан халықаралық Менделеев олимпиадасы басталды. Ел намысын 2023-2024 оқу жылындағы химия пәнінен республикалық олимпиаданың жеңімпаздары арасынан іріктелген 10-12-сыныптың он оқушысы қорғайды. Команда құрамында маңғыстаулық 3 оқушы бар, - деп хабарлайды mangystaumedia.kz сайты.
Атап айтқанда, «Білім-инновация» лицей-интернатынан Әліби Мұғалім, Әділжан Молдағұл және Райымбек Габдолла бақ сынайды. Сонымен қатар қазақстандық команда құрамын Павлодар, Астана, Алматы, Қарағанды қаласының оқушылары толықтырған.
Команда жетекшілері - Қазақ ұлттық университетінің аға оқытушысы, Phd доктор Елдана Бахытжан және KBTU 4-курс студенті Санжар Бегдаир. Айтуынша, олимпиада алты күнге созылады және екі теориялық, бір эксперименттік кезеңді қамтиды.
"Дарын" республикалық ғылыми-практикалық орталығының мәліметінше, білім бәйгесіне әлемнің 29 елінен келген оқушылар қатысып жатыр. Ал шілдеде химиядан Халықаралық Менделеев олимпиада Сауд Арабиясының Эр-Рияд қаласында өтеді. Сондықтан да бүгін басталған олимпиада Қазақстан құрама командасы үшін маңызды болмақ.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.