Ақтаудағы ыстық су сапасы қашан жақсармақ?

Қала тұрғындары жылыту маусымы басталып, ыстық су берілгелі – оның сапасына шағымдануда. Судың түсі – қара, иісі – жағымсыз. Жыл сайын қайталанатын бұл құбылысқа "МАЭК" ЖШС жауап берді, деп хабарлайды mangystaumedia.kz сайты.

«МАЭК» ЖШС өкілдерінің айтуынша, олар санитарлық-эпидемиологиялық талаптарға сай келетін ыстық суды облыс орталығына беріп, қаланы сумен қамтамасыз етеді. Қаладан кері құбыр арқылы қайтарылған ластанған ыстық су ЖЭО-1-ге түседі, онда сүзгілер арқылы тиісті тазалаудан өтеді. Содан кейін тазаланған су құбыр арқылы қайтадан қалаға жөнелтіледі.

- Бұл цикл бірнеше рет қайталанады. Тазарту жүйесі әр айналым сайын суды тазартады. Әр жолы қаладан келетін судың сапасы белгілі бір деңгейде ғана тазартылып отырады. Сондықтан суды тазарту біртіндеп жүзеге асады, - делінген "МАЭК" ЖШС баспасөз қызметінің хабарламасында.

Сапасыз ыстық суға қатысты шағымдар — нысандарды жылыту маусымына дайындаудың салдарынан(жылу жүйелерінің нашар жуылуы).

Роза Әділханқызы

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.