Ақтауда жолдарды қардан тазалау жұмыстары жүріп жатыр

Ақтауда түнгі кезекшілікте және таңертең автомобиль және жаяу жүргіншілер жолына 24 м3 құм және 10 тонна тұз аралас қоспасы себілді. Жолдарды қардан тазалау жұмыстары қарқынды жүргізіліп жатыр, - деп хабарлайды mangystaumedia.kz қала әкімдігінің баспасөз қызметіне сілтеп.

«Компания Строй Инвест 2020» ЖШС жұмысшылары түнгі кезекшілікте және таңертең жол қауіпсіздігін сақтау мақсатында ең алдымен қауіпті аймақтарға, аялдама және жаяу жүргіншілер жолдарын тазалау жұмыстарын жүргізді. Аталған жұмыстарға 35 жұмысшы, бірқатар техника жұмылдырылды

Түнгі кезекшілікте және таңертең мына мекен-жайларға 24 м3 құм және 10 тонна тұз аралас қоспасы себілді:

• №21 автомобиль жолы, «Асар-С» СҮ, спуск;
• 34 ш/а, «Ана мен бала» маңындағы жол.
• №3 автомобиль жолы, 7 және 8 шағынаудан аралығы;
• №3 автожолы, «Қашаған» ескерткіші мен «Ардагер» СҮ аралығы,(спуск);
• №3 автожолы, «Тамшалы» ТҮК маңы;
• 9 және 14 шағынаудан аралығы (спуск, подъем);
• 10 және 9 шағынаудан аралығы (спуск, подъем);
• 14 және 15 шағынаудан аралығы (спуск, подъем);
• 15 ш/а «Самал Резиденция» маңындағы жол.

Түнгі кезекшілікте және таңертең жол қауіпсіздігін сақтап, көктайғақтың алдын-алу мақсатында мына мекен-жайларда қардан тазалау жұмыстары жүргізілді:

• №3 автожолы, «Қашаған» ескерткіші мен «Ардагер» СҮ аралығы, (спуск);
• №3 автожолы, «Тамшалы» ТҮК мен «Қашаған» ескерткішінің аралығы, (спуск);
• №7 автомобиль жолы, «Самал Резиденция»(спуск);
• 14 және 15 шағын ауданаралығы (спуск, подъем);
• 13 және 12 шағынаудан аралығы.

Сондай-ақ, шағынаудан ішілік жолдарға құм-тұз себу жұмыстарына «Ақжол+К» мекемесінен 300-ге жуық қызметкер жұмылдырылды. Қызметкерлер шағынаудан ішілік автомобиль және жаяу жүргіншілер жолдарына 4 тонна құм-тұз аралас қоспаны септі. Қазіргі таңда мердігер мекеменің қызметкерлері шағынаудан ішілік автомобиль және жаяу жүргіншілер жолдарын қардан тазалау жұмыстарын жүргізіп жатыр.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.